उ मामकु द्युखा स्योम्दी
हाङ्को थ्योमु दिनै उमाङ्कु द्युखा स्योम्दी
खासेका ङ्याक्ती -वा उमा खोत्ले लाम्दी
च्योने आमाङा आ ख्वाच्योपराङा कुर्तोम
ज्योपा ङिमा कुर्साका गोआच्योने कक्तोम
डोक्पु बनेउतो मेराम हाङ्को द्युखा बेसाका
क्र्युम कोरा ल्युरालो गेर्सिङरो आ न सेसाका
याके बुमिलो सिरे डोक्पुरा सेसारे -वाक्पा ङिम
याकेराकोङा आ च्यो बर्माने आमा च्यो मिद्युम
याकेरा आल्वा थ्योस्थाल्ली वम्लोने भाल2 स्वा
स्यु स्यु बुबुरी भ्रामरीकाम थ्योसिरो च्योका ल्वा
ड्युम्ला रिद्युम खोले प्ल्वास्तीमा द्युमरो कोङदो
खोलेकाम द्युमरो उनिमा सिसिडा घ्राम स्योम्दो
मुलि ख्रेप्री -वाकीलो हेङाव उ छोक्चोकोङा ब
ज्योङ्का जेसिलोगोनुङहानुहानुङा बासितो फ
याङलो ल्यु गोलाइ आसिङा मारी मुका चाउरे
आसिमु थारिका ख्ल्याका मिल्वापा द्युखा लाउरे
आनक्का -वा न्युयानी कोसी ज्योङका जेसालो
आन न्युबेट्पुवानी उ दिफुम नेमलाइ हेसाकालो
पोमु डुमुङा मिउलो सिजेम लेमजेम द्युम्मुबासी
मेम्मारे देलकुथा स्योप्दी राव बान्तेलो गुइ छासी
जनि कुमार थुलुङ राई
थुलुङ दूधकोसी गा. पा.-४ जुबू, सोलुखुम्बू
हाल:- चा. न. पा.-२ झोैखेल, भक्तपुर
मिति:- २०७६/०५/१० गते मंगलबार
